"Жаңа қарсылас болатын сияқты". Әлімханұлы чемпиондық жекпе-жекке қатысты жаңа мәлімдеме жасады

Қазақстандық боксшы Жәнібек Әлімханұлы (11-0, 7 КО) WBO тұжырымынша "уақытша" әлем чемпионы атағы үшін бразилиялық Эскива Фалькаоға (29-0, 20 КО) қарсы жекпе-жекке қатысты кезекті мәлімдеме жасады, деп хабарлайды Vesti.kz тілшісі.

Жақында екі боксшы әлеуметтік желіде пікір алмасуға кірісті, оның барысында бразилиялық былай деп айтты: "Бұл маған емес, біздің командаға және Top Rank-ке байланысты екенін жақсы білесің".

Жәнібек Әлімханұлы болашақ чемпиондардың қатарына қосылды

Кейін твиттерде қазақстандықтың өзі Фалькаоға қарсы жекпе-жекке күмән келтірді:

"Әлі ешқандай жаңалық жоқ. Жаңа қарсыласым болатын сияқты. Кім екенін білмеймін, бірақ, мен кез келген адамды жеңемін! Маған чемпион атағы керек!" - деді Әлімханұлы.

Still no news. Looks like i will have a new opponent. I don't know who but I will beat anyone! I need a championship title!

— Janibek Alimkhanuly (@qazaqstyle) February 15, 2022