"Жаңа Головкин" атанған қазақастандық "Қасапшының" келесі айқасы белгіленді

Жеңіліп көрмеген қазақстандық кәсіпқой боксшы Виктор Темировтің (6-0, 4 КО) келесі жекпе-жегі қашан өтетіні белгілі болды. 

BoxRec.com мәліметінше, Темировтің келесі айқасы 29 наурыз Германияның Фленсбург қаласында өтеді. Қарсылас кім болатыны әзірге белгісіз. 

Кейінгі айқасында Темиров титул жеңіп алды

2 қараша Бад-Херсфельдте өткен бокс кешінде 24 жастағы Виктор никарагуалық Робин Самороны (21-35, 10 КО) жеңіп, бірінші орта салмақта WBF European титулын иеленді. 

Еске салайық, Темировтің кәсіпқойдағы лақап аты "Қасапшы", ал Германиядағы көптеген жанкүйерлер мен кейбір журналистер оны карьерасын осы елде бастаған Генндаий Головкинмен салыстырып жүр.