IBA басшысы өзбек боксшыларға 100 мың доллардан берді

Дубайда IBA турнирі өтіп, жарыстан кейін ұйым басшысы Умар Кремлев өзбекстандық боксшыларға қомақты ақша табыс етті. 

Олар Баходир Джалолов, Хасанбай Дусматов, Лазизбек Муллажонов, Абдумалик Халоков және Асадхужа Муйдинхужаев.

Бұл марапаттау 7 желтоқсанда өткен. Кремлев өзбекстандық боксшыларға 100 мың доллардан табыс еткен екен.

Ақшалай марапатталған боксшылар арасында қазақстандық Нұрбек Оралбаай мен қырғызстандық Мунарбек Сейитбек уулу да бар. Видеода оларға 50 мың доллардан берілгені байқалады. 

Бұл IBA басышысының боксшыларды Олимпиададағы жеңістері үшін өз атынан марапаттауы болса керек.