Ауыр салмақтағы италиялық проспект Гвидо Вианелло (9-0-1, 9 KO) кезекті рет нокаутпен жеңіске жетті, деп хабарлайды Vesti.kz.
АҚШ-тың Хинкли қаласында өткен бокс кешінде "Гладиатор" лақап атты Вианелло Мексика тумасы Рафаэль Риосты (11-4, 8 КО) жеңді. Төртінші раундта италиялық боксшы қарсыласын бұрышқа тақап, бірнеше соққы жасады. Салдарынан Риос есеңгіреп қалып, жекпе-жекті ары қарай жалғастыра алмады.
Еске салайық, Вианелло Геннадий Головкиннің бұрынғы бапкері Абель Санчестің қоластында жаттыққан. Алайда кейін GGG сияқты одан кетіп қалды.