Boxeo-web.foroactivo.com сайты орта салмақта алдағы 12 айда чемпион бола алатын бес боксшыны атады.
Олардың қатарында қазақстандық Мейірім Нұрсұлтанов та бар."Ісін Эгис Климас жүргізетін Нұрсұлтанов (20-0, 11 КО) орта салмақта жұдырықтасады және 2025 жылы көбірек өнер көрсетуді қажет етеді. 2024 жылы бірде-бір айқас өткізбеген қазақстандық боксшы алдағы 12 айда есесін қайтаруға талпынады. Ол әлі де WBC рейтингінде жоғары орында және ілгерлей беруге тырысады. Мейірімнің қорғанысы мықты және жақсы соққылар жасай алады. Мүмкін биыл біз қазақстаннан шыққан тағы бір чемпионды көреміз".
Басылым чемпион бола алатын өзге төрт боксшы мыналар: Трой Айсли (АҚШ), Йоэнлис Эрнандес (Куба), Джордж Лиддард (Ұлыбритания) және Этиноса Олиха (Италия).