Головкин командасындағы нокаутшы Франция чемпионымен айқасады

360 Promotions промоутерлік компаниясы қазақстандық Али Ахмедовтің (21-1, 16 КО) айқасы туралы ресми құлақтандырды. 

Бокс кеші 20 қыркүйек Дублиндегі 3Arena шаршы алаңында өтеді. Қарсылас Франция үшін өнер көрсететін Камерун тумасы Пьер Дибомбе (22-1-1, 12 КО). Бұл кездесу он раундқа есептелген.

Бұл қазақстандық боксшының Ирландиядағы бірінші жекпе-жегі. Кейінгі рет ол рингке мамыр айында Детройтта жұдырықтасып, коста-риколық Энкарнасьон Диасты (18-5, 11 КО) бірінші раундта нокаутқа түсірген.

Ахмедовтің ісін Геннадий Головкинге тиесілі GGG Promotions компаниясы жүргізеді. 

Дибомбе Франция мен Еуропалық бокс кеңесінің (EBU) чемпионы болған.

Посмотреть эту публикацию в Instagram

Публикация от 360 Promotions (@360boxingpromotions)