Головкин кардында қарсыласын нокаутқа түсірген экс-чемпион ESPN-дегі басты жекпе-жекте жұдырықтасады

Бірінші жартылай орта салмақта бұрынғы әлем чемпионы белорусиялық Иван Баранчик (20-1, 13 КО) осы дивизионда титулға үміткер болған америкалық Хосе Сепедамен (31-2, 25 КО) жекпе-жекке шығады, - деп хабарлайды allboxing.ru.

Бұл кездесу 9 шілде Лас-Вегаста өтеді және ESPN-дегі басты жекпе-жек болады.

27 жастағы Баранчик 2018 жылы IBF чемпионы атанған, алайда, 2019 жылы бірінші қорғауында-ақ Джош Тейлорден жеңіліп қалды. Экс-чемпион былтыр Головкин - Деревянченко жекпе-жегінің андеркартында жұдырықтасып, Габриэль Брасероны нокаутқа түсірді.

31 жастағы Сепеда былтыр қыркүйекте өткен жекпе-жегінде бұрынғы әлем чемпионы Хосе Педрасаны жеңген.