Орта салмақтағы WBA (Super), IBF және IBO белбеулерінің иегері Геннадий Головкиннің бауыры Максим 24 қазан күні Алматы қаласында өтетін Батыр Жүкембаевтың жекпе-жегін тамашалауға келеді, деп жазады Vesti.kz тілшісі.
Максим Головкин бұл кештің құрметті қонағы болады. Сонымен қатар, бұл жекпе-жек кешіне Геннадий Головкин де келіп қалады деген ақпарат бар.
Бұл жекпе-жек кеші Sadu Arena спорт кешенінде болады. Аталған кеште бірнеше қазақстандық боксшы өнер көрсетеді.
Батыр Жүкембаев болса кештің басты айқасында Оңтүстік Африка елінің боксшысы Холани Мкотелимен (19-7, 12 KO) WBC Asia белбеуіне таласады.