Геннадий Головкин алдағы жекпе-жегіне қарсылассыз қалды

Орта салмақта бұрынғы әлем чемпионы қазақстандық Геннадий Головкин (38-1-1, 34 КО) келесі жекпе-жегіне қарсылассыз қалды, - деп хабарлайды Vesti.kz.

Мұның алдында Головкин рингке 8 маусымда оралатыны және қарсыласы The Contender реалити-шоуының жеңімпазы, америкалық Брэндон Адамс (21-2, 13 КО) болатыны хабарланған еді. Осы аптада жекпе-жектің ресми құлақтандыруы болады деп те күтілген. 

Алайда белгілі америкалық журналист Стив Ким бұл ақпаратты жоққа шығарды. 

"Брэндон Адамс Головкинмен жұдырықтасады деген қауесет пен жаңалықтар тым әсірелендіріп жіберілген", - деп жазыпты Ким твиттер желісінде.

the rumors/reports of Brandon Adam's facing GGG were greatly exaggerated #boxing

— Steve Kim (@StevESPNKim) 1 апреля 2019 г.

Бұл мәліметті Fightnews.com журналының польшалық шолушысы Пржемек Гарцарчик те растады.

"Жаңалықтар: Адамсқа Головкинмен жекпе-жекке дайындалудың қажеті жоқ сияқты. Бұл дұрыс та", - деп жазыпты ол да твиттерде.

News: wygląda na to, że Adams na walkę z Golowkinem niekoniecznie musi się już pakować. I dobrze.

— przemek garczarczyk (@garnekmedia) 1 апреля 2019 г.

Қыркүйекте қазақстандық орта салмақта WBC, WBA (Super) чемпионы мексикалық Сауль "Канело" Альвареспен (51-1-2, 35 КО) үшінші жекпе-жек өткізеді деп жоспарланған. Ал алдағы жекпе-жек Головкиннің DAZN стиминг қызметімен үш жылдық келісімшарты бойынша алғашқысы болады.