Жартылай орта салмақта өнер көрсететін Данияр Елеусінов өзбекстандық Саиджамшид Джафаровпен жекпе-жекке шықпайтын болды, деп жазады Vesti.kz менеджер Зия Алиевқа сілтеме жасап.
Жекпе-жек 27 сәуір Алматыда өтетін "IBА чемпиондарының түні" атты бокс кешінде болу керек еді.
Елеусінов жарақат алып қалып, бұл айқастан бас тартуына тура келді.
25 жастағы Джафаров - екі дүркін Азия чемпионы (2021, 2022) және әлем біріншілігінің күміс жүлдегері (2023).