"Екінші барғанда ғана таныды". Деревянченко "Астана Арландары" бапкерінің ауыр жағдайы туралы

Орта салмақта жұдырықтасатын украиналық Сергей Деревянченко (13-2, 10 КО) "Астана Арландары" мен өінің бұрынғы бапкері Сергей Корчинскийдің жағдайы туралы айтып берді. 

Еске салайық, 2018 жылы сәуірде Карен Саркисян атты күдікті Николаев қаласында Корчинскиймен сөзге келіп қалады. Осыдан кейін бапкер жабық бас сүйек-ми жарақатын алады, самай тұсының сүйегі сынады және миына ауыр зақым келеді. Осының салдарынан Корчинский ұзақ уақыт ес-түссіз жатады, ал қазір сауығу курсынан өтуде.

"Корчинский қазір Киевте, Броварыда сауығып жатыр. Әрине жақсарып келеді, бірақ, ойдағыдай емес. Бірнеше рет клиникаға барып қайтқанмын. Екінші рет барғанымда ол мені таныды, менімен амандасты да, аздап тіл қатыстық. Әлбетте бұл қуантады.

Шабуыл жасған адам жақында ұсталды. Сот болады, жаза тағайындалады. Алайда одан келіп кетер пайда жоқ, адам денсаулығынан айырылды. Оның да, обасының да", - дейді Деревянченко Luckypunch.net арнасының Instagram желісіндегі тікелей эфирінде.

Полиция "Астана Арландары" экс-бапкерінің бас сүйегін сындырған күдіктіні қамауға алды

57 жастағы Корчинский Қазақстанда "Астана Арландарын" жаттықтырғанымен танымал, осы бапкердің жетекшілігімен команда 2013 жылы Бүкіләлемдік бокс сериясын (WSB) жеңіп алды. Сол жылы "арландар" финалда "Украина атамандарынан" басым түсті де, Корчинский WSB-дің ең мықты бапкері атанды. Ал "Астана Арландарына" дейін ол WSB-ді италиялық MilanoThunder командасымен жеңіп алған.