Екі рет есеңгіретті. "Канелоға" спарринг серік болған қазақстандық мексикалық қарсыласынан жеңілді

Қазақстандық боксшы Бобыржан Момынов карьерасында алғаш рет жеңілді, деп хабарлайды Vesti.kz.

Осыған дейін жеңілмеген жартылай орта салмақтағы боксшы кәсіпқойдағы 13-ші жекпе-жегін Американың Уэст-Пойнт қаласында өткізді. 

Қазақстандықтың қарсыласы тегі мексикалық жергілікті Анхель Руис болды, америкалық карьерасында 16 рет жеңіске жетіп, бір рет жеңілген екен.

Сегіз раундқа есептелген жекпе-жек төрешілер шешімімен аяқталды. Бұл айқас кезінде Момынов екі рет нокдаунға түсті. 

Еске салайық, қазақстандық боксшы Сауль "Канело" Альварестің (55-1-2, 37 КО) спарринг серігі болып, мексикалыққа Геннадий Головкинмен (41-1-1, 36 КО) жекпе-жекке дайындалуға көмектескенімен белгілі.