Орта салмақта WBC чемпионы Карлос Адамес екі жақтан қыспаққа түсті. Қазақ боксшылар доминиканалық чемпионды кезек-кезек айқасқа шақырып, оған амал қалдырмады, деп хабарлайды Vesti.kz.
Мейірим Нұрсұлтанов - чемпионның міндетті қарсыласыБылтыр қаңтарда WBC орта дивизионда ұйым чемпионына хабарлама жіберді. Ол бойынша ұйым Адаместі титулдарын жеңілмеген қазақстандық боксшы Мейірім Нұрсұлтановпен (20-0, 11 КО) жекпе-жекте қорағуға міндеттеген.
Алайда Карлос қазақстандықпен кездесу өткізбеудің амалын тапқан болатын.
WBC доминиканалыққа белбеуін Нұрсұлтановпен жекпе-жекте қорғауға міндеттегенімен, Адамес ұйымның жылына бір қорғау ғана өткізу туралы ережесін алға тарта алады. Өйткені Адамес 22 ақпанда британиялық Хамза Ширазбен (21-0-1, 17 КО) жекпе-жекте тең түсіп, белбеуін сақтап қалды. Егер ұйым Адамес пен Шираздың айқасын міндетті қорғауға жатқызса, доминиканалық өзге қарсылас таңдай алады.
Сонымен қатар, Адаместі орта дивизионда IBF және WBO титулы бар қазақстандық Жәнібек Әлімханұлы (16-0, 11 КО) да бірнеше рет айқасқа шақырған.
"Карлос Адамес тығырыққа тірелді! Ол енді ұйықтай алмайды, қорқынышты түстер көреді! Оның енді таңдауы қалмады! Ол менімен немесе менің бауырым Мейірім Нұрсұлтановпен айқасуға дайындалсын! Біз оны үрей қорасына (бөлмесіне) қамадық", - деп жазыпты Жәнібек Х желісінде.