Британиялық сарапшы Головкинмен жекпе-жектегі "Канелоның" басты қиындығын атады

Бокс әлемінің британиялық сарапшысы Ли Кормли Vesti.kz тілшісіне берген сұхбатында қазақстандық Геннадий Головкин мен мексикалық Сауль "Канело" Альварес арасындағы екінші жекпе-жектен не күтетінін айтты.

Жақында Головкин мен "Канело" арасында қарымта жекпе-жек өтетіні туралы ресми хабарланды. Боксшылар екінші кездесуін 15 қыркүйекте Лас-Вегастағы T-Mobile аренасында өткізеді. Бұл жекпе-жекке Головкиннің үш чемпиондық белбеуі тігіледі. Бұл бокс кешін HBO арнасы ақылы трансляциялар жүейсі (PPV) арқылы көрсетеді.

"Жақсы жаңалық. Бұл - нағыз керек жекпе-жек. Қазір бәрін өз орнына қоятын ең қолайлы уақыт. Олардың мүмкіндіктері теңдей деп ойлаймын. Алайда "Канелода" бір жылдық үзіліс болды, ал GGG шаршы алаңға шығып тұрды. Екінші жекпе-жек мерзімінен бұрын аяқталуы да әбден ықтимал. Әзірге болжам құру қиын, өткені жекпе-жекке дейін әлі екі ай бар", - дейді Кормли.

Еске слаайық, боксшылар арасында алғашқы жекпе-жек былтыр 16 қыркүйекте тең есеппен аяқталған болатын. Қарымта жекпе-жек Лас-Вегаста 15 қыркүйекке белгіленген.