Бокстан 14 дүркін чемпион мәлімдеме жасады

Париж Олимпиадасының қола жүлдегері Назым Қызайбай Қарағандыда өткен 2024 жылғы Қазақстан чемпионатындағы жеңісі туралы пікір білдірді.

48 келі салмақтағы финалда Назым қызылордалық Ақбота Болатпен жұдырықтасу керек болған. Бірақ қарсылас жекпе-жекке шықпады, ал Назым оның себебін айтты. 

"Әрине, Қазақстан чемпионатында 14-рет жеңіп шыққаныма бақыттымын. Осы салмақта өзімді жайлы сезінемін, екі рет әлем чемпионы болдым. Финалға қатысты, қарсыласым Ақботада өте үлкен гематома болды, дәрігер оған рингке шығуға рұқсат берген жоқ", - дейді Назым Sport+Qazaqstan порталына сұхбатында.