Бивол мен Альварес қарымта кездесу өткізе ме? "Канелоның" командасы жауап берді

Екінші орта салмақта әлемнің абсолют чемпионы Сауль "Канело" Альварес (57-2-2, 39 КО) және оның жаттықтырушысы Эдди Рейносо, қазақстандық Геннадий Головкинге (42-1-1, 37 КО) қарсы үшінші кездесуден кейін, келесі жылы жартылай ауыр салмақта WBA чемпионы ресейлік Дмитрий Биволға (20-0, 11 КО) қарсы қарымтаның болатынын растады, деп хабарлайды Allboxing.ru.

"Біз мұны тарих қойнауына жібере салмаймыз. Ол кездесуде жеңілдік, бірақ, біз келе жылы қарымта өткізгіміз келеді. Жақсылап дайындалу керекпіз. Қазір Головкинді жеңу бірінші орында тұр, одан кейін қарымтаға дайындықты бастаймыз" - деді Рейносо. 

Ал, Головкинмен кездесу үшін екінші орта салмаққа оралған Альварес, ресейлікке қарсы екінші кездесуді жартылай ауыр салмақ шегінде өткізгісі келетінін айтты.  

 
"Биволға қарсы қарымта жартылай ауыр салмақта өтеді. Барлығы үнемі салмақ туралы айтады, мені солай қаралағысы келеді. Сондықтан Биволмен екінші кездесу жартылай ауыр салмақта өтеді. Маған елдің ақтағаны қажет емес" - деді мексикалық.

Естеріңізге сала кетейік, Головкин мен "Канело" арасындағы үшінші кездесу 17 қыркүйекте Лас-Вегаста өтеді.