Қазақстандық боксшы Сәкен Бибосынов Ресейде өтіп жатқан Константин Коротковты еске алуға арналған турнирде бірінші жекпе-жегін өткізді, деп хабарлайды Vesti.kz.
54 келідегі бірінші жекпе-жекте Сәкен ринг қожайыны Құрбан Байранбековпен жұдырықтасып, 5:0 есебімен жеңіске жетті. Қазақстандық боксшы екінші раундта қарсыласын нокдаунға түсірді.
Бибосынов 2021 жылғы әлем чемпионы, ал 2019 жылы әлем біріншілігінің қола жүлдесін иеленген. Сонымен бірге, Азия чемпионатында екі рет жүлделі болған: 2022 жылы күміс және 2021 жылы қола.
Жарнама