Жартылай ауыр салмақта әлемнің абсолют чемпионы, ресейлік кәсіпқой боксшы Артур Бетербиев (21-0, 20 КО) жекпе-жек алдында неге қарсыластарымен қол алыспайтынын түсіндірді, деп жазады Vesti.kz.
"Бәрі қарапайым ғана дүние. Мәселен, ертең екеуміз жекпе-жекке шығамыз, сен мені жеңгің келеді. Мені бар күшіңді салып ұрғың келеді. Онда неге мен қол алысуым керек?" - деп береді Бетербиевтің сөзін Bad Left Hook.
Еске салайық, Бетербиев былтыр төрешілер шешімімен жеңген отандасы Дмитрий Биволмен (23-1, 12 КО) 22 ақпанда қарымта жекпе-жекке шығады.