Олимпиаданың екі дүркін чемпионы өзбекстандық Баходир Джалолов (14-0, 14 КО) Астанадағы бокс кеші алдында Қазақстан туралы пікірін білдірді, деп хабарлайды Vesti.kz.
30 жастағы өзбекстандықтың қарсыласы украиналық Игорь Шевадзуцкий (12-2, 10 КО) болады. 5 сәуірде өтетін бокс кеші алдындағы баспасөз мәслихаты кезінде боксшылар журналистер сұрағына жауап берді.
Астанаға алғаш рет келіп отырған өзбек боксшы еліміз туралы ойын айтты."Астанаға алғаш келуім және жергілікті адамдардың қонақжайлығы маған ұнады. Қарсыласымды қай раундта құлатамын? Жекпе-жекке шығамын, ар жағын ринг көрсетеді", - дейді Джалолов.
Еске салайық, Астанадағы бокс кеші осы сенбіде өтеді. Оның басты жекпе-жегінде Жәнбек Әлімханұлы (16-0, 11 КО) франциялық Анауэль Нгамиссенгемен (14-0, 9 КО) жұдырықтасады.