Әзілдің уақыты бітті. Жәнібек Әлімханұлы титулды айқас алдында соңғы ескерту жасады

Орта салмақтағы қазақ боксшы Жанібек Әлімханұлы (11-0, 7 КО) әлеуметтік желіде кезекті пост жариялады, деп хабарлайды Vesti.kz. Бұл хабарлама жеңіліс көрмеген келесі қарсыласына арналған сияқты. 

Қазақ боксшы орта дивизион чемпионы америкалық Деметриус Андрадемен (31-0, 19 КО) жұдырықтасуға үміттенген еді, алайда, WBO оның орнына Эскива Фалькаомен (29-0, 20 КО) ұйымның "уақытша" чемпионы атағы үшін жекпе-жекті белгіледі. Содан бері бразилиялық пен Жәнібек әлеуметтік желіде тістесіп келеді. 

"Жігіттер мен қалжыңды ұнатпаймын. Егер жеңіл жұмыс десем, демек оңай болады. Әлемнің екі экс чемпионын жеңдім. Олармен жекпе-жек алдында нокаутқа түсіретінімді айтқанмын. Солай істедім. Мен өзімді жақсы білемін. Өзіме толық сенімдімін. Кез келгенін сабаймын", - деп жазыпты "твиттерде" Жәнібек. 

Guys, I don't like jokes. If I said easy work, it will be easy work inshalla. I beat two former world champions. Before I beat them I said that I will knock them out. And I did it. I know myself well. I am very confident in myself. I'll beat anyone.

— Janibek Alimkhanuly (@qazaqstyle) February 21, 2022