АСА белбеуін қазақ халқына сыйлаған Туменов блогерді жекпе-жекке шақырды

Өткен аптада 29 жастағы ресейлік ММА шебері Альбер Туменов кәсіпқой рингтегі алғашқы қадамын жасап, төрешілердің бір ауыз шешімімен Скотт Сигмонды жеңген еді. Енді ол америкалық блогерді жекпе-жекке шақырып отыр.

"Сәлем, Джейк Пол. Сен екі спортшыны жеңдім деп мәз боласың. Бірақ ол жігіттер бокстың не екенін білмейді. Менімен айқасқа шық. Мен ММА-дағы мықты боксшымын. Саған бокстың қыр-сырын көрсетем. Кеттік, Джейк", - деп жазды Туменов Twitter парақшасында.

Hey @jakepaul you're proud to beat two wrestlers, these guys don't know what boxing is. Fight with me, I'm the best boxer in mma. I'll teach you a boxing lesson whenever you want. Let’s go Jake ??? #mma #boxing

— Albert Tumenov (@ATumenov) November 30, 2021

Айта кетейік, Туменов бірінші орта салмақта АСА лигасының бұрынғы чемпионы. 2019 жылдың қарашасында Алматыдағы АСА 102 турнирінің басты айқасында отандасы Беслан Ушуковты ауыр нокаутқа түсірген соң, белбеуін қазақ халқына сыйға тартты. Спортшы бұл әрекетімен кезінде Кавказдан Қазақстанға жер ауып келген балқарларға соңғы нанын бөліп бергені үшін қазақ халқына ризашылығын білдірді.