Ауыр салмақта әлемнің бұрынғы абсолют чемпионы Майк Тайсон тек блогерлер ғана жұдырықтасатын бокс лигасын ашқысы келетінін мәлімдеді, деп хабарлайды "Спорт-Экспресс".
55 жастағы Тайсон 2005 жылы Кевин Макбрайдтан алтыншы раундта техникалық нокаутпен жеңілгеннен кейін карьерасын аяқтаған. Ал соңғы рет Рой Джонспен 2020 жылы жұдырықтасты.
"YouTube-те бокс лигасын ашамын да, барлық блогерді сонда шақырамын. Сол жерде бір-бірімен айқасады. Мен де сонда өнер көрсететін шығармын. Мен тіпті YouTube чемпионы болатын сияқтымын", - дейді Тайсон.