Американың бокс федерациясы трансгендерлерге қатысты шешім қабылдады

АҚШ-тың бокс федерациясы (USA Boxing) трансгендерлерге 2024 жылы әйелдер арасындағы турнирлерге қатысуға рұқсат береді, деп жазады Daily Mail.

Мәлімет бойынша, трансгендер боксшыларға ол үшін бірқатар талапты орындау қажет. Атап айтқанда гендерлік өзгерісі жайлы көпшілік алдында мәлімдеме жасайды, жынысын ауыстырғаннан кейін гормоналды тесттен өтіп отырады. Оның қорытындысы федерацияға өкізілуі тиіс. 

Жынысын әйелге ауыстырғандардың жалпы тестестероны алғашқы жарысына дейін 48 ай қалғанша 5 нмоль/л көрсеткіштен аспау керек. 

Ал жынысын ерге ауыстырғандар бірінші жарысына дейін кемі 48 ай қалғанға дейін жалпы тестестероны 10 нмоль/л көрсеткіштен кем емес екенін көрсетуі қажет. Одан кейін оны осы деңгейден жоғары ұстауы керек.