Бірінші жартылай орта салмақтағы қазақстандық боксшы Батыр Жүкембаев (19-1, 15 КО) келесі жекпе-жегіне жаттығу лагерін бастады, деп хабарлайды Vesti.kz.
Әзірге жекпе-жектің нақты күні мен орны, сондай-ақ, қарсыластың кім болатыны да белгісіз. Айқас шамамен сәуірде АҚШ немесе Канадада өтеді деп жоспарланған.
Еске салайық, былтыр желтоқсанда Жүкембаев мексикалық Хуан Хосе Мартинес Альваресті (28-11, 20 KO) нокаутпен жеңді. Бұл кездесу Монреальдағы (Канада) бокс кешінде өтті және алты раундқа есептелген болатын. Бірақ бәрі бірінші раундта аяқталды - Батыр қарсыласын 69-секундта есінен тандырды.