Орта салмақта IBF және WBO чемпионы Жәнібек Әлімханұлының (16-0, 11 КО) менеджері Берік Сұлтан Астанадағы бокс кешінен кейінгі жоспар туралы айтып берді, деп хабарлайды Vesti.kz.
Астанадағы айқасқа дайындық тас-түйін
5 сәуір Астанада Жәнібек IBF рейтингінде жетінші тұрған франциялық Анауэль Нгамиссенгемен (14-0, 9 КО) жекпе-жек өткізеді.
"Дайындық жақсы өтті. Екі ай бойы Қазақстанның оңтүстігінде дайындалдық. Біздің қазақстандық боксшылармен спаррингтер өткізідік. Бапкерлердің бәрі Америкадан келді, дайындықты толыққанды өткізу үшін", - дейді Берік Qazaqstan TV эфирінде.
Сонымен қатар, менеджер Әлімханұлының Астанада салмақ түсіруді жалғастырып жатқанын айтты.
Алда үлкен айқастар
"Біз 5 сәуірге ғана дайындалып жатқан жоқпыз ғой. Алдағы айқастан кейін үлкен жекпе-жектеріміз бар. Дэвид Бенавидеске дайындаламыз, Канелоға қарсы дайындаламыз. Мұндай қарсыластарға ертерек дайныдықты бастадық. Мексикадан бапкерлер келді, өйткені мексикалықтардың стилі басқа. Оны қазақстандық стильге қосқымыз келеді, одан агрессив ортақ стиль жасау үшін", - дейді Берік Сұлтан.
Жарнама