Орта салмақта IBF және WBO чемпионы Жәнібек Әлімханұлының (16-0, 11 КО) бапкері Марко Контрерас қазақстандық боксшының болашағына қатысты ойын айтты, деп хабарлайды Vesti.kz.
Контрерас 32 жастағы қазақ боксшының жуырда ғана жаттықтыра бастағанын айта кетейік. Жәнібек Астандағы жекпе-жегі алдында ғана бапкер ауыстырды. Оған дейін Әлімханұлын Брайан Вилори мен Бадди Макгирт жаттықтырған болатын.
Маман Жәнібектің абсолют чемпион атану мүмкіндігі жайлы ойын айтты
"Мен Жәнібек қазіргі таңда орта салмақтағы ең мықты боксшы деп ойлаймын. Ол әлемнің абсолют чемпионы болуы мүмкін, егер өзге чемпиондар онымен жекпе-жекке шығуға келіссе", - деп береді Контрерастың сөзін Legalbet.
Жарнама