Әлімханұлының андеркардында екі қазақ боксшы жұдырықтасады

Орта салмақта өнер көрсететін қазақстандық Жәнібек Әлімханұлының (11-0, 7 КО) алдағы кездесуінің андеркардында жұдырықтасатын екі боксшы анықталды, деп жазады Vesti.kz тілшісі. 

Әлімханұлы келесі кездесуін 21 мамыр күні Лас-Вегас (Невада штаты, АҚШ) қаласында өткізеді. Оның қарсыласы ұлыбританиялық Дэнни Дигнум (14-0-1, 8 КО) болады. Бұл кездесуде WBО ұйымының "уақытша" чемпиондық атағы сарапқа салынады. 

Ал аталған бокс кешінің андеркардында екі қазақ боксшысы жұдырықтасады. Олар - 2017 жылғы әлем чемпионатының күміс жүлдегері Әбілхан Аманқұл және үш дүркін әлем чемпионатының қола жүлдегері Абылайхан Жүсіпов. 

Әбілхан үшін бұл кәсіпқой бокстағы бірінші кездесуі болса, Жүсіпов екінші айқасын өткізеді.