Орта салмақта IBF тұжырымы бойынша әлем чемпионы атағына міндетті үміткерді анықтауға қатысты промоутерлік сауданың мән-жайы айтылды, деп хабарлайды Vesti.kz.
Бокс шолушысы америкалық Джейк Донованның пікірінше, титулды қазір иеленіп отырған Жәнібек Әлімханұлымен (17-0, 12 КО) жекпе-жекке шығу құқын италиялық Этинос Олиха (21-0, 9 КО) мен америкалық Остин Уильямс (18-1, 12 КО) өзара сарапқа салады.
Келіссөз нәтиже бермедіДеркекөз мәліметінше, Олиха мен Уильямс арасындағы міндетті жекпе-жек бойынша Халықаралық бокс федерациясы (IBF) белгілеген келіссөз еш нәтиже бермеді. Осыған байланысты 22 сәуірде гонорарды бөліп беру бойынша промоутерлік сауда белгіленеді.
Бұл жекпе-жек өтетін болса, оның жеңімпазы IBF чемпионына міндетті қарсылас атанады. Бұл ұйымның орта дивизиондағы қазіргі чемпионы Әлімханұлында WBO титулы да бар.
5 сәуір Астанада өткен бокс кешінде Жәнібек франциялық Аннуэль Нгамиссенгені бесінші раундта нокаутқа түсіріп, титулдарын қорғап қалды.