Жәнібек Әлімханұлы (12-0, 8 КО) WBO белбеуін иеленгеннен кейін кәсіпқой рингтегі келесі қарсыласын анықтады, деп хабарлайды Vesti.kz тілшісі.
BoxingScene.com сайтының мәліметінше отандасымыз ұлыбританиялық Дензел Бентлимен (17-1-1, 14 КО) қолғап түйістіреді.
Сонымен қатар, бокс басылымы қос спортшының 12 қараша күні Лас-Вегаста 12 раундтық айқас өткізетінін жазды. Дәл сол күні Әлімханұлы Top Rank ұйымдастырып отырған бокс кешінде жарақат алған Оскар Вальдесаның (30-1, 23 КО) орнына шығады.
Бұл жекпе-жек кешін ESPN+ телеарнасы тікелей эфирде көрсетеді.