Орта салмақта IBF және WBO чемпионы Жәнібек Әлімханұлы (16-0, 11 КО) атақты Сауль "Канело" Альваресті (62-2, 39 КО) жекпе-жекке шақырды, деп хабарлайды Vesti.kz.
Алдымен Астанадағы айқас
5 сәуір Астанада қазақ чемпион франциялық Анауэль Нгамиссенгемен (14-0, 9 КО) жекпе-жекте титулдарын қорғайды. Бұл Жәнібектің 2017 жылдан бері Қазақстанда өткізетін алғашқы айқасы. Осы уақыт аралғыныда ол дивизион көшбасшысына айналды.
Осыдан кейін ол 34 жастағы мексикалықпен айқасқысы келеді. Бұған дейін Жәнібек алдымен WBC титулына ие доминиканалық Карлос Адамес (24-1-1, 18 КО) пен WBA белбеуі бар кубалық Эрисланди Лараны (31-3, 19 KO) жеңгісі келген еді. Енді Әлімханұлының жоспары өзгерді, орта салмақ чемпиондарына жетем дегенше уақыт өтіп кететінін түсінген сияқты.
Орта салмақ чемпиондары өзара айқасып, Жәнібектен қашып жүр
"Орта салмақта жақсы жекпе-жектер өтуде. Хамза Шираз, Лара мен Карлос Адамес — олар жақсы боксшылар, бірақ, олармен кездесу мүмкін болмай отыр.
Адамес пен Шираздың айқасын тамашаладым. Төреші емес, боксшы ретінде. Осы тұрғыда олардың қалай жұдырықтасатынын сараптап көрдім, стилдерін, тактикасын. Мен төрешілер шешімімне қатысты ештеңе айтқым келмейді. Мен бұл айқасты тамашалаған жәй ғана боксшымын", - деп береді Жәнібектің сөзін Boxingscene.
Еске салайық, британиялық Хамза Шираз (21-0-1, 17 КО) Адамеспен 23 ақпанда жұдырықтасып, 12 раунд қорытындысы бойынша қарсыластар тең түсті.
Жәнібек ең мықтылармен ғана айқасқысы келеді
"Мен екінші нөмірлерді іздемеймін. Маған үздіктер керек, "Канело" сияқты және басқалар. 160 фунт мен үшін қиындық тудырмайды, жоғары көтеріле аламын, кейін осы салмаққа қайта түсе аламын. Уақыт мен мүмкіндік жағынан да еш қиындық көріп тұрған жоқпын. Менде ресурс жеткілікті", - дейді Жәнібек.
Канело қайтадан абсолют болмақ
Альварес суперорта дивизионда өнер көрсетеді және осы салмақта WBC, WBA және WBO титулдарына ие. 3 мамырда ол кубалық Уильям Скулмен (23-0, 9 КО) жекпе-жекте абсолют чемпион атағын сарапқа салады.
Жарнама