Орта салмақта WBO чемпионы қазақстандық Жәнібек Әлімханұлы (12-0, 8 КО) қарсыласына мәлімдеме арқылы сес көрсетті, деп хабарлайды Vesti.kz.
Қазақ боксшы келесі қарсыласы - британиялық Дензел Бентлиге (17-1-1, 14 КО) айбат шегіп отыр. Боксшылар 12 қараша Лас-Вегастағы Palms Casino Resort шаршы алаңында айқасады.
"Жекпе-жекке дейін бір ай қалды, бірақ, қарсыласымды нокаутқа түсіруге қазірден-ақ дайынмын. Дензел, бапкеріңе айт, орамалды уақытында лақтырып үлгерсін!" - деп жазыпты Әлімханұлы "твиттерде".