Абылайхан Жүсіпов Болгариядағы халықаралық турнир финалына шықпайтын болды

Қазақстандық боксшы Абылайхан Жүсіпов Болгарияда өтіп жатқан "Странджа" халықаралық турнирінің финалына шықпайды, - деп хабарлайды Vesti.kz ҚБФ-ға сілтеме жасап.

69 келіге дейінгі салмақта Жүсіпов финалда өзбекстандық Бобо-Усмон Ботуровпен жұдырықтасу керек болатын. Алайда қазақстандық жарақатына байланысты жарысты жалғастыра алмайды. 

Осылайша, Жүсіпов турнирдің күміс жүлдегері атанып отыр. Ал Қазақстан құрамасынан финалда төрт боксшы жұдырықтасады.