Абель Санчес жаттықтыратын боксшы барлық жекпе-жегін нокаутпен аяқтап келеді
Пікірлер
blog.share
Аса ауыр салмақта жұдырықтасатын Джо Джойс (6-0, 6 КО) кәсіпқой рингтегі алтыншы жеңісіне жетті.
АҚШ-тың Онтарио қаласында өткен бокс кешінде Джойс грузиялық Яго Киладземен (26-4, 18 KO) жұдырықтасты. Сегіз раундқа есептелген жекпе-жек бесіншісінде аяқталды. Бесінші раундтың басында Киладзе үшінші рет нокдаунға түсіп, төреші жекпе-жекті тоқтатты.
Осылайша, Джойс кәсіпқой бокстағы алты жекпе-жегін де мерзімінен бұрын аяқтады. Бритнаиялық АҚШ-та алғаш рет жұдырықтасты, бұған дейін ол тек отанында ғана жекпе-жек өткізіп келген.
Джойсты бұл жекпе-жекке қазақстандық Геннадий Головкиннің (38-0-1, 34 КО) бапкері Абель Санчес жаттықтырды. Ал промоутер Ричард Шефер боксшыға GGG-ге (Головкиннің никнеймы) ұқсастырып Джагернаут деп лақап ат қойған. Осылайша, ол Джозеф "Джагернаут" Джойс болды.
Айта кетейік, қазақстандық бокс сүйер қауым Джойсты жақсы біледі. 2016 жылғы Олимпиаданың жартылай финалында британиялық төрешілер шешімімен қазақстандық Иван Дычконы жеңген болатын. Бұл жарыста Дычко қола жүлде иеленді.
blog.share
Аса ауыр салмақта жұдырықтасатын Джо Джойс (6-0, 6 КО) кәсіпқой рингтегі алтыншы жеңісіне жетті.
/>
Жарнама