18 жастағы боксшы Азия чемпионатында Қазақстан құрамасының бірінші жүлдесін жеңіп алды

18 жастағы қазақстандық боксшы Даниял Сәбит Дубайда өтіп жатқан Азия чемпионатының жартылай финалына өтті, деп хабарлайды Vesti.kz.

Бүігн, 25 мамырда ол 1/4 финалдық кездесуін өткізді. 49 келі салмақта Даниялдың қарсыласы индонезиялық Корнелис Квангу Лангу болды. Үш раунд қорытындысы бойынша қазақ боксшы 5:0 есебімен жеңіске жетті. 

Айта кетейік, жартылай финалға шығу арқылы Даниял Азия чемпионатының жүлдесіне ілікті, бұл Қазақстан қоржынына түскен бірінші жүлде болады. 1/2 кезеңде жеңіске жете алса, ол алтын үшін жұдырықтасады, ал жеңілсе қола жүлде иеленеді.