"Астана" баскетболшысы ВТБ Бірыңғай лигасы рекордын жаңартты

30 жастағы "Астана" ойыншысы Майкл Майерс ВТБ Бірыңғай лигасының рекордын орнатты, деп хабарлайды ұйымның ресми сайты. 

МБА командасына қарсы матчте ол салынбай қалған допты 18 рет алып қойған: 14 рет қорғаныста және төртеуін шабуылда. Сонымен қоса, Майерс 15 ұпай жинап, 3 пас пен 4 блок-шот жасады. Салынбаған допты 18 рет алып қою - Майерстің карьерасындағы рекорд. 

Осы маусымның бұған дейінгі рекорды "Енисей" командасының ойыншысы Владислав Трушкинге тиесілі болған -15 рет.

Еске салайық, мәскеулік МБА өз алаңында "Астананы" 81:59 есебімен ұтты.