Бендиден Қазақстан құрамасы әлем чемпионатында тағы ірі жеңіске қол жеткізді

Бендиден Қазақстан құрамасы Ресейдің Хабаровск қаласында өтіп жатқан әлем чемпионатында тағы ірі жеңіске қол жеткізді, деп хабарлайды Vesti.kz порталы. 

Әлем чемпионатының екінші кездесуінде Қазақстан құрамасы АҚШ-пен кездесті. Ойын 14:1 есебімен біздің құраманың пайдасына аяқталды. Бұл кездесуде төрт голды командамыздың капитаны Рауан Исалиев соқса, Виктор Чернышов үш гол, Артем Вшивков пен Евгений Леонов екі голдан, ал Руслан Галяутдинов, Ескендір Нұғманов және Максим Утебалиев бір-бір голдан соқты. 

Бұл жеңістен кейін Қазақстан құрамасы В тобында төрт ұпай жинап, бірінші орында келеді. Ал АҚШ-тың еншісінде екі ұпай бар. 

Еске салайық, әлем чемпионатының бірінші кездесуінде Қазақстан құрамасы Венгриямен кездесіп, 29:0 есебімен ірі жеңіске жеткен болатын.