Юлия Путинцева US Open турнирінің жартылай финалына шыға алмады

Қазақстандық теннисші Юлия Путинцева АҚШ-тың Нью-Йорк қаласында өтіп жатқан US Open турнирінің ширек финалында сүрінді,- деп хабарлайды Vesti.kz тілшісі. 

Турнирдің ширек финалында отандасымыз америкалық Дженнифер Брэйдимен кездесті. Бір сағат 8 минутқа жалғасқан ойында Путинцева 3:6, 2:6 есебімен ұтылып қалды. 

Айта кетейік, Путинцева өз карьерасында бірінші рет US Open турнирінің ширек финалына шықты. Өткен жылы ол 1/8 финалда сүрінген болатын. 

Жалпы қазақстандық теннисшілер "Үлкен дулыға" турнирінде ширек финалдан ары аса алмаған. Бұған дейін Путинцева "Ролан Гаррос" турнирінің 1/8 финалына екі рет шықса, тағы бір отандасымыз Ярослава Шведова "Уимблдон" турнирінде осы кезеңнен тоқтаған.