Новак Джокович Астанадағы турнирдің ширек финалына шықты

Сербиялық теннисші Новак Джокович Астанада өтіп жатқан АТР 500 турнирінің ширек финалына шықты, деп жазады Vesti.kz тілшісі. 

1/8 финалда АТР рейтингінде 7-орында тұрған Джокович 34-орында тұрған нидерландылық Ботик ван де Заншульппен кездесіп, 6:3, 6:1 есебімен жеңіске жетті. Ойын 1 сағат 11 минутқа созылды. 

Енді келесі айналымда сербиялық АТР рейтингінде 18-орында тұрған ресейлік Карен Хачановпен жолығады. Ойын 7 қазан күні өтеді.