Қазақстандық спортшы жеңіл атлетикадан Азия чемпионатында алтын медаль жеңіп алды

Таиланд астанасы Бангкокта жеңіл атлетикадан XXV Азия чемпионатының 2-жарыс күні өтіп жатыр, деп хабарлайды Massaget.kz тілшісі.

Биіктікке секіруден Ұлттық құрама спортшысы Кристина Овчинникова чемпион атанса, Елизавета Матвеева күміс жүлдеге ие болды. Екі қазақстандық атлет 1,86 метрге қарғыған. Кристина алғаш болып осы көрсеткішті тіркегендіктен бас жүлдені алды.

Қола медаль өзбекстандық Светлана Радзивилге бұйырды (1,83 метр).

Қазір Қазақстан құрамасы 1 алтын, 2 күміспен жалпы есепте 4-орында.