Қазақстандық спортшылар Олимпиаданың ашылуына қатысты

Қазақстандық спортшылар Олимпиаданың ашылу салтанатында Токиодағы Ұлттық стадионнан жүріп өтті, деп жазады Vesti.kz порталы. 

Қазақстанның туын Олимпиада ойындарының чемпионы Ольга Рыпакова мен бокстан әлем чемпионатының жүлдегері Қамшыбек Қоңқабаев ұстап шықты. 

Ал парадта 40 қазақстандық спортшы, бес бапкер және ресми өкілдер мен делегация өкілдері жүріп өтті. 

Олимпиада ойындары 23 шілде мен 8 тамыз аралығында Токиода өтеді. Қазақстандық 97 спортшы спорттың 27 түрінен бақ сынайды. 

Суреттер: Тұрар Қазанғапов, Сали Сабиров/Olympic.kz ©