Қазақстан Олимпиада трансляциясын қаншаға сатып алды?

Ақпарат және қоғамдық даму министрлігі Токио Олимпиадасының трансляциясын ұйымдастыруға қанша қаражат жұмсалғанын айтты, - деп хабарлайды Tengrinews.kz тілшісі.

Биыл 2021 жылы ақпанда "Қазақстан" РТРК" АҚ пен "Хабар" агенттігі" АҚ Silver spring media және Dentsu Inc компанияларымен Токио Олимпиадасы мен Бейжіңдегі XXIV қысқы Олимпиада трансляциясы бойынша келіссөз жүргізген. 

Ақпарат министрлігінің мәліметінше, трансляция құқығын сататындар Олимпиадаға бір күн қалғанда ғана бағасын төмендетуге келіскен.  

"2021 жылдың 23 шілдесінде Токиодағы (Жапония) XXXII жазғы Олимпиада ойындары трансляциясының лицензиялық құқығын 6,250 миллион АҚШ долларына сатып алу бойынша келісімге келді", - деді министрлік өкілдері. 

Еске салайық, Токио Олимпиадасы 23 шілдеде басталған, 8 тамызда аяқталады.