Қазақстан Азиаданың тоғызыншы жүлдесін жеңіп алды

Қазақстан құрамасының қоржыны Қытайдың Харбин қаласында өтіп жатқан қысқы Азия ойындарының тағы бір жүлдесімен толықты, деп жазады Vesti.kz.

Шаңғымен еркін стилдегі 10 шақырымдық жарыста Олжас Климин үшінші болып, қола жүлдеге қол жеткізді. 

Алтын мен күмісті жапониялықтар Харуки Ямасита мен Такацугу Уда бөлісті. 

Бұл 2025 жылғы Азиададағы Қазақстан қоржынындағы тоғызыншы жүлде, оның бірі алтын, бес күміс және үш қола.