Қазақстан 2018 жылғы Азия ойындарында 15-ші жүлдені еншіледі

Қазақстандық байдаркашы Александр Куликов Индонезияда өтіп жатқан биылғы Азия ойындарының қола жүлдегері атанды, - деп хабарлайды Vesti.kz.

Куликов байдарка мен каноэде жалғыз жүзу бойынша 98.49 секунд уақыт көрсеткен. Бұл слаломда жапониялық Такуя Ханеда (90.06) жеңімпаз болды, ал екінші орында қытайлық Чен Фан Цзя (90.58).

Әйелдер арасында семсерлесу бойынша құрама - Әйгерім Сарыбай, Тамара Почекутова, Татьяна Приходько және Айбике Хабибулина тағы бір қолаға қол жеткізді.

Осылайша, Қазақстан құрамасының қоржынында 15 жүлде, оның тоғызы қола, бір алтын және бес күміс.